12 janvye 2010 – 12 janvye 2025. 15 lane depi yon tranbleman tè ki te mezire 7.3 sou echèl Richter te frape Ayiti nan lè 4 trè 53 nan apremidi. Katastwop sila nan Pòtoprens, kapital peyi a te kite plis pase 280,000 moun mouri, 300,000 blese ak 1.3 milyon moun ki pedi tout avwa yo.
Nan jou komemorasyon sa a, nou bese tèt nou ak respè ak emosyon devan memwa lavi divès moun tranblemanntè sila te efase ann Ayiti. Trajedi sa a, k ap rete pou tout tan nan memwa nou tout te choke plizyè milyon fanmi. Trajedi sa a te devaste kominote yo epi plonje peyi a nan yon doulè san kalman.
Rezo Ayisyen Jounalis Lasante (RHJS) vle onore chak fanm ak gason, chak timoun ki te peri anba beton ak debri. RHJS gen konpasyon tou pou moun ki te rive siviv, men ki depi lè sa a ap viv ak gwo konsekans tankou blesi envizib ak andikap fizik ki te transfòme lavi o okotidyen. Kouraj yo pou fè fas ak advèsite yo montre fòs ak rezistans pèp ayisyen an. Se pou detèminasyon yo vin yon sous enspirasyon ak solidarite pou nou tout, pou nou bati yon avni pi enklizif.
Ansanm, nou salye devouman premye sekouris yo, volontè yo, òganizasyon imanitè yo ak tout moun ki, nan ijans lan, te pote èd ak rekonfò bay viktim yo. Imanite sila yo ak angajman yo te fè prèv sete limyè lespwa nan fènwa eprèv sa a.
Se pou moman meditasyon sa a fè reviv nan nou chak devwa memwa ak angajman enkondisyonèl pou diyite moun ak èd youn pou lot. Se pou nanm ki mouri yo repoze anpè, pou nasyon ayisyen an kontinye jwenn fòs ak kouraj nesesè pou avanse pou pi bon jou.
Pour avoir accès à cette video, cliquez ici.
Discussion à propos de post