CEMED
Jounen vandredi 30 desanm 2023 a, Centre medical docteur Descolines (CEMED) ki chita ko l nan #5, Delma 17 klotire yon aktivite sou lasante yo batize tren laswenyaj. Li te apenn 10 e nan maten, plis pase yon senkanten moun te deja nan lakou sant lan pou benefisye sevis yap ofri.
Par Jobenson ANDOU
Dokte Johnny Descolines, direkte Centre medical dorcteur Descolines nan (CEMED), pat manke eksprime santiman li apre aktivite sa a pou li ki se yon reyisit : « Isit la, nan CEMED, nou gen yon pwogram klinik mobil. Chak ane nou oganize 150 a 200 klinik mobil nan kapital la ak lot vil pi lwen selon jan sa posib. Nou te vle klotire ane sa a an bote, se sa ki mennen ou oganize aktivite sa a nan lokal nou an. La nou pwofite sansibilize moun yo sou eta sante yo, nou pemet yo we espesyalis nou yo, nou ba yo medikaman tou. »
Barye gran louvri, yon spot odyo ap kontinye klewonnen mesaj sou aktivite a, yon tab men longe nan bo goch antre sant medikal ranpli ak dives kalite medikaman, enfimye ap monte desann pou mache aktivite a, anpil moun ap tann kile yap rele yo, jou vandredi 29 desanm 2023 a, anbyans lan te byen cho nan CEMED. Nan mitan kondisyon peyi a ki tet anba jan nou kapab konstate, se anpil deteminasyon pou yon moun genyen pou oganize aktivite konsa. Lew ap tande dokte a, ou reyalize li pa manke karakteristik sa : « Déjà pa genyen lopital jan sa ta dwe ye nan peyi a, nou estime si nou fe moun yo pran swen tet yo yon fason, nap ede redui kantite moun kap mouri ak maladi pafwa yo pa menm konnen, se nan optik sa nou te oganize karavan medikal sa nap klotire isit la nan CEMED. Sa ki enpotan pou nou nan aktivite klinik mobil nou yo se fe moun yo panche sou eta sante yo, aji yon fason pou prezeve tet yo fas on paket maladi ki ka men etenn souf yo. Jan jounalis yo souvan di moun ki gen enfomasyon se li ki gen pouvwa, depi popilasyon an konn sa pou l fe, ki prekosyon l dwe pran, n ap resanse mwens maladi nan sosyete a. »
Si w tap tande radio mega oubyen radio la voix de l’Evangile pandan jou pase yo ou tap tande anons aktivite sa a ki konnen fen li jounen vandredi 29 desanm nan. « Nou konsyan de difikilte pou moun yo deplase, nou te pran risk la nan plas yo, pou pote swen an lakay yo. Padan aktivite sa, chak jou, depi 9 e nan maten pou rive 4 e nan lapremidi, nou ofri anpil sevis tankou konsiltasyon jinekoloji, tyekop jeneral, konsiltasyon dante ak anpil lot. Gras ak kek patne tankou PLURIMED, SANOFAR, CANURSE ki ban nou sipo yo, nou rive bay moun yo medikaman gratis tou. Ane pase nou te fe 150 klinik mobil, malerezman, ane sa a ak jan kondisyon peyi a ye, se Selman 50 nou rive fe. Gen previzyon nou te fe pou kek zon tankou, Okay, Senmak, Jakmel, Belade nou pa rive ale. Men malgre difikilte, nou te rive touche site Jeremi, Delma 19, Delma 30, site Okay, Laplen, Santo 19, Taba ak lot anko. »
Menm jan plizye radyo ak televizyon ap fome popilasyon an sou ekonomi, dokte a estime li tap bon si on kantite pwofesyonel ta mete yo disponib pou ede popilasyon an ak kondisyon sante yo. Le fe konnen se pyon sa CEMED ap poze pou ede amelyore kondisyon sante nan peyi a.
Pou ane 2024 la, Dr Johnny Descolines ak ekip li gen je yo fikse sou yon objektif : reyalize 500 klinik mobil nan tout ko peyi a. Suivan sa li fe konnen « Pou sa rive fet, fok kondisyon sekirite a amelyore. Lot bagay ki enpotan, nou vini ak yon pwogram pou kontribye nan objektif 2030 peyi a vize. Pwogram sa ap pemet anpil moun teste pou konnen estati sewolojik yo. Byen ke anpil moun pe, gen sa ki selman rete kwe yo pa malad men, nap sansibilize yo, nap fe tes pou yo, pou mete sou medikaman tout moun ki teste pozitif ak viris VIH la pou gen yon popilasyon djanm. N ap pwofite mande sipo ak tout enstans ki ta ka ede nou rive pi lwen nan vizyon sa. Nou pa gen mwayen ase pou touche tout moun men si lot fos mete sou sa nou gen déjà asireman nap rive pi lwen. »
Selon Dr Johnny Descolines, pito ou konn estati sewolojik ou, ou rete sou medikaman olye yon maladi atenn yon nivo grav epi mete laviw an danje. Li fe konnen CEMED antre nan batay la epi mande konkou enstans kap mennen lit kont VIH ak lot maladi kontajye yo. Tankou pwoveb la dil, anpil men chay pa lou.
Jobenson ANDOU,
En un clic regardez cette vidéo
Discussion à propos de post